魔法雞排 (已結業)

魔法雞排呢個鋪位大大話話都轉過好多手，都是賣小食的。最後北上食左間雞排小食，番黎香港都想試下香港小店整嘅雞排有無水準。
叫左一個多力滋雞排揀左五香孜然味，同埋一個馬蘇里拉芝士條。
雞排大大塊雖然係雞胸，不過唔會鞋sharp sharp，而且有肉汁，調味料唔重味，香脆可口。調味料最多可以選兩種，有辣有唔辣，不過都係唔落調味已經夠正！
另一款小食係馬蘇里拉芝士條，強勁拉絲效果係其特徵，咬落脆口外皮拉絲可拉30cm，咬落又煙韌又鬆軟，味道歷久常新。
小店售賣小食款式不多，不過味道不錯，抵讚。