泉昌美食 (已結業)

全店鎮店兩寶一. 炸魚蛋二. 咖哩魷魚炸魚蛋最大賣點係佢經常新鮮出爐，所以超新鮮唔使驚扁咗、油益、翻唔翻炸嫁等以上煩擾，大大粒要一吉即食！外香脆內軟，魚比例較少，但一向街邊串都係嫁啦！唔會過多粉令佢變粉糰必屬佳品。到咖哩魷魚，呢個真係識食要買外賣，四串就有碗，點解要碗？因為要啲汁！呢度咖哩魷魚最銷魂係個汁！魷魚唔吸味所以一定要掛到汁先夠味，呢度個汁夠辣夠香同相對杰身，所以掛得好好。而四串要碗放汁你以為單純為掛汁就太膚淺喇！因為是要來煮撈烏冬的！