味一堆韓式小館 (已結業)

呢度應該開左唔係好耐，剛行過吸睛地方係有幾張白木枱露天座，感覺好西沙feel, 以為食泰國菜，原來食韓國野，真係估佢唔到，菜式偏向北韓，飯卷/石鍋飯都有，價錢唔貴最貴石鍋飯都係$68，本來叫餐會低點，春卷/韓國前菜/石鍋飯（選擇係$50）/飲品$78，就係叫左最貴芝士溫泉牛肉石鍋飯叫唔到餐，但包野飲都ok(凍飲+3，韓國特飲+10），仲叫左條坪襄燒魚(細$68/大$98），兩個人細既夠食，魚皮燒得好香，內面剛熟好滑夠多肉汁，燒汁用洋蔥/紅蘿蔔煮，好有屋企感覺，鐵板上燒煮收乾左好多，老闆好細心叫廚房另外煮燒汁比我們点魚，條魚真心好食，個石鍋飯好多芝士，牛肉好滑，好唔好我唔評份啦，因為而家口味轉緊