三本目 (華成樓) (已結業)

屋企今日冇煮飯，於是就買左外賣翻去食，呢間既午市有唔同既便當選擇，都幾抵食～同埋佢地既壽司拼盤都好大份好多唔同種類既壽司。 1⃣️火炙盛盒（$198） 呢款真係勁豐富！同埋每一款都好香炙燒味好好食😋有火炙三文魚、左口魚邊、芝士三文魚、明太子帆立貝、芝士珍寶蟹棒、醬油漬三文魚、黑椒玻璃蝦、芝士鰻魚壽司，每一樣都好正～另外仲有款火炙焦糖三文魚卷，好厚切肥美面頭甜甜地～  2⃣️極品刺身弁當（$78） 刺身有三文魚、赤蝦、北寄貝、帆立貝，個底仲有啲腐皮👍配菜都好豐富，有枝豆、粟米、蟹籽沙律同埋加州卷～  3⃣️鹽燒鯖魚弁當（$55） 鯖魚好大條好多肉，唔會好乾，配菜一樣好豐富～  4⃣️蒲燒鰻魚丼（$68） 鰻魚飯醬汁甜甜地好送飯，鰻魚冇乜骨，呢個價錢都幾抵食。