main dish食完個湯都未到，由落單到見到個湯足足45分鐘，仲要係伏黎！
老實講，個湯唔係常見既橙色，已經呆左一呆，唯有舉手問一問店員確認下係咪佢介紹既南瓜忌廉湯，佢答係。
一飲落去，口感界乎於溶溶地既牛奶布甸同BB食既糊仔，唯有再問下店員係咪真係我地個南瓜忌廉湯黎，佢都係答 - 係。
都算啦，我其實就想食下南瓜味既野姐，一於再試兩啖。成碗一點橙色都唔會俾你搵到，唔講仲以為係分子料理，不過呢個真係好失敗，因為真係好難飲，同埋冇味！
當我舉手話呢碗野真係唔掂，個waitress好型咁"哦"左我一聲，然後就左 (黑人問號？)
我就唔elaborate更多啦，講完事實就算。
但如果TicTacToe老闆你見到呢篇comment，我真心建議你花幾分鐘了解下發生咩事，一個中等價位 ($140) 既lunch，主食都唔錯，唔好因為個湯同服務而浪費左個主食。
