港佬車仔麵

D2附近都算多野食，起碼三間車仔麵。
見門面ok就買個車仔麵試吓，叫咗個牛筋墨魚頭生菜油麵，牛筋味道不錯，墨魚頭會話唔知食緊乜，麵底太熱，好肚餓既話記住買完攤凍啲先食。服務態度會話係一般香港既質素。

上次食外賣車仔麵覺得牛筋幾好食，咁就買個車仔餸返屋企加餸啦。點知買到成舊水都只係比個中膠兜我，差啲以為佢比少咗幾個餸。一向淨餸個份量都會大啲，佢好似比食車仔麵個陣既份量更少，買到一肚氣。真係食返隔離轉角個間車仔麵好過。

溫馨提示：想食一碗一肚氣既車仔麵可以食佢，佢冇乜特別之餘又唔係平，服務又唔好。