新景園咖喱小廚

营业中

休息中

星期六中午時間嚟到，排咗大約半個鐘。基本上每枱都有嗌乾炒牛河同咖喱豬扒/雞扒飯，我就嗌多咗碗中湯。乾炒牛河 （$90）超巨型，份量足夠兩位成年女士食😂好多牛肉，炒得好好，河粉條條分明👍🏻河粉冇想像中咁濃味，主要係牛肉帶出味。另外油光十足，不過乾炒牛河就係要多油先炒到。咖喱豬扒飯 （$98）有足足三大塊炸豬扒！趁熱食時豬扒外脆肉嫩、有肉汁。咖喱好香好夠辣！一碟飯夠食兩餐😂老火靚湯 （$15）大碗足料，裏面有好多雪耳同豬肉。堂食有最低消費$83，份量實在太大，食唔晒可以打包。食完大約兩點幾，已經冇晒乾炒牛河。