薑媽

营业中

休息中

难得Metime 午餐要食好啲，今次去咗牛头角工厂区揾食😆。姜妈系工厦上面，经过楼下都唔显眼，估唔到午餐时间好多人，不过好快就有位。店内装修好有日系感觉，一入门口见到有咖啡柜台，唔洗讲一定要点杯咖啡先！店舖主打一汁三菜定食，配埋日本饭、味噌汤、渍物及饮品。另外都有手作汉堡🍔、意粉🍝选择。见好多人都点一汁三菜定食，我点咗日式海鲜锅🍲，里面有虾、扇贝、蚬、鱼同蔬菜，份量唔少，而且汤底浓郁有鲜味，用来配饭一流。副菜有甜虾柚子大根渍，柚子很清甜，加埋甜虾同大根几特别👍。另外八爪鱼新薯沙律🥗，用日本新薯配弹牙八爪鱼，酸酸甜甜很开胃。2款副菜都好清新，感觉唔错。店员话定期会转换新菜式，下次来都唔怕闷😆饮品加$18升级海盐焦糖咖啡☕️，有焦糖香味，海盐中和甜度，饮落顺口。整体味道同环境都唔错，虽然价钱唔算平，下次都可以再食。