豬手工房

营业中

休息中

假日晚上去工厦，真系好有探险感。住了大围多年，真系好少会行去工厦个面，交通城大厦唔难揾，最难揾系个入口，以为揾到有水牌个个电梯位就去到...？少年真系太年轻了😵唔知系咪因为假日外面个2部䢂系唔郁的，要再行前去车场入口，入面另外有2部类似货䢂先用到。讲真上到2楼出䢂后都真系凸左眼，系咁嘅环境竟然有餐厅，真系绿中一点红😳唔靠口碑广告，应该好难会有街客揾上门🤷‍♀️。店内环境都唔错，应该都有3-40个坐位，不过今晚有雨，所以露天位就无开。讲返食物味道，今次只试2样食物试下水温，怕中伏嘛🤭，来到猪手工房当然食猪手啦，再加左个田园沙律。猪手真系无得输皮脆肉嫩，个人觉得咸味正好（话明咸猪手嘛，如果无咸味先叫难食呢），但个田园沙律真心唔推介，份量唔算大都不重要，所谓嘅巴马臣火腿味道一般都唔梗要，最难接受系咁油，每片菜都好似浸左油咁，唔知今日整个位系咪重手左，沙律个人喜好清爽感的，沙律酱/油真系少少点缀下就够。今次小试牛刀先比个好评。最后提醒一下，晚餐时间最好预约先喔！walkin客，好多都扑空。