泰國人海南雞

難得識電腦嘅朋友，陪我到深水埗買手提電腦，當然要請佢食番餐飯，多謝下佢。因為朋友鍾意食海南雞，所以我地揀左食泰國人海南雞。買完電腦都成九點，店內嘅客人唔多，亦唔需要等位。

泰式海南雞飯餐 $58 + 特飲 (+$10) - 冬瓜湯只是味精湯一碗，湯內有冬瓜粒蔥花，但碗湯係無冬瓜味。海南雞份量算ok，大約八件，雞肉去晒骨，食落啖啖肉。但可惜肉質唔算滑，而且雞肉味好淡，仲有一兩件雞肉仲有肥膏，係d醬汁好少少，比較惹味。油飯亦麻麻地，雖然有淡淡香茅味，但油飯完全係無油嘅感覺，而且食落仲好乾。

其實以呢個價錢黎講唔叫平，但奈何會提供呢個質素？