嚐味喇沙 (已結業)

🍽 嚐味喇沙 (沙田)📍 沙田橫壆街2-16號沙田中心商場3樓49及60號舖✨今日去完Home square 買傢俬，因為之前住過沙田，好熟悉沙田嘅美食😍 早排先同同事去咗沙田中心搵食，所以買完傢俬之後就去睇吓新開嘅沙田中心有咩食。行行吓俾新加坡嘅喇沙餐廳吸引咗😍🍽雜錦喇沙籠蝦湯掺掺採用左新加坡傳統嘅配方調製，食得出係有加上椰汁👍 材料都好豐富，有鴨胸肉、雞肉，配菜有豆卜、芽菜、生菜。份量超大一碗，好懷疑自己食唔食得晒，最後俾佢嘅椰汁同埋龍蝦湯底吸引咗，竟然食得晒咁大碗嘅喇沙😛🍽無骨海南雞飯去新加坡餐廳梗係唔少得試吓海南雞飯，呢碟海南雞賣相吸引，飯嘅份量都好大，油飯好香，海南雞嘅份量都比普通餐廳多，都算抵食！三款醬汁都做得好地道，食完好掛住新加坡🫢 上一次去已經係八年前🙂🙂 好掛住 haji Lane ~ Little India ~ Garden by the bay~~~最掛住就係新加坡嘅美食，海南雞飯😛🥰———————————————評分: (5⭐️最高)味道:⭐️⭐️⭐️⭐️環境:⭐️⭐️⭐️⭐️⭐️打卡:⭐️⭐️⭐️⭐️⭐️再訪:⭐️⭐️⭐️⭐️⭐️