小南洋 (東薈城名店倉)

营业中

休息中

小南洋海南雞喇沙，海南雞嘅雞肉嫰滑，唔會過鞋過老，烹煮嘅時間十分剛剛好。而且雞件帶有少少鹹味，醃製嘅用料亦都控制得相當理想。唔需要加配其他醬汁都已經夠味。👍🏻而喇沙方面，佢係摻摻麵嚟嘅，即係一碗麵裏面包含咗油面及米粉，增加口感。喇沙嘅味道相當濃郁，有辣味之餘亦都食到喇沙嘅味道，唔會一味死辣蓋過其他味道。🍜麵嘅質地亦都索晒喇沙嘅味道，所以每一啖麵都充滿喇沙嘅香味。麵裏面除咗有芽菜增加口感之外，亦都附上雞蛋同埋豆卜，加上麵嘅份量十足，一個海南雞喇沙麵唔使加配其他食物都已經夠飽。