梨和園韓日料理 (已結業)

与友人到铜锣湾逛...差不多食饭时间...看看附近有咩好食,看到大厦楼下招牌广告好似几吸引...心想不妨一试..便中了入去..一坐落侍应便话限时一个半钟...心想,食快啲都应该够时间啩,又已经坐低左,所以是但啦...点知,就系因为咁,食到一肚火!由于食物是自助形式加上自己烧的关系,所以都不评论服务和食物质素了...重点系..今时今日咁样的生意手法实在太过份!晌食到一个钟的时候,就有位大婶就过黎话帮我地收起个炉加埋单...我同友人都好奇怪...问明明仲有半个钟架??个阿婶就答我地只剩十分钟,加上好多人晌出面等...所以要我地即刻埋单,我同友人都觉得...吓...我地都好明白你有人等,想做多几转生意,但都唔系乱屈个时间出来逼人走架??仲系足足屈成廿分钟??我好奇怪点解大家时间差咁远..问大婶有冇记低我地几时坐落架??佢就话佢地有写低...唔通我同我朋友只表慢左廿分钟?...我地都唔想同佢讲咁多,谂住台面仲有几件食物想食埋先,点知个大婶都唔理,一定要即刻找数!!我同友人都俾佢搞到冇晒心情啦,埋单走人冇咁嬲!!廿分钟晌个半钟入面,系好多时间架喇...呢啲生意手法的食肆,冇下次.味道: 自己烧,