紙飛機親子空間

营业中

休息中

今次係第三次嚟啦，其實唔單止小朋友鐘意呢度，我自己都幾鐘意嚟架。因為呢，好難係香港搵到一個咁大嘅空間坐下，望住啲小朋友玩都幾舒壓架。加上呢度啲嘢食都唔錯架，幾啱我口味，我自己有時都會叫兒童餐嚟食架，好似搵返自己嘅童心咁。設施我就不詳細講啦，重點講下間餐廳，味道都迎合小朋友口味，味道會輕盈啲清新啲，無咁重口味。菜式啲名改得好得意，擺盤又精緻。價錢方面就稍貴咗少少，不過都係接受到嘅範圍內。一個兒童餐，有水果，有肉，有菜，又有湯羹和得意嘅公仔包。營養滿分，小朋友係度玩得開心，食得又健康，所以趁佢仲細，帶佢嚟玩多幾次。