葉記大排檔 (已結業)

補祝父親節，去左葉記大排檔食。 記得依間野之前係紅磡，近依幾個月搬左嚟土瓜灣，平時都見OK多人食,應該唔錯。

鹵水拼盤，好似唔太夠味，鹵水唔夠咸唔夠香，但魷魚，豬耳，都幾好食，夠爽

鹵水拼盤

蜜桃香檳骨好食，汁甜甜地，骨本身又醃得夠味，同埋骨依個位D肉本身係好食

蜜桃香檳骨

脆皮豆腐熱辣辣時真係好好食，外面夠脆，入面豆腐係滑架。但點果隻醬如果甜多少少會好味d.

脆皮豆腐

仲叫左椒鹽鮮魷同蒜蓉菜心，椒鹽鮮魷基本上度度都係差不多，而蒜蓉菜心d菜心都幾甜，唔錯