廚師帽 (已結業)

住係樓上，幫襯兩次，兩次都肚疴，諗住街坊街理叫佢注意下食物係咪有咩事，點知個四眼廚房大哥話佢地啲嘢食唔會食到人肚疴喎，仲話我無証無據唔好亂咁講，又話自己姓童，有咩搵佢，搵你有鬼用咩，有咩事我下次搵食環啦！第一次係中午，落黎食個$35餐，唔好話我貪平，只係工廠一般就係呢個價，到左6點幾就疴，連晚飯都無食，當時都無諗係個lunch出事，點知兩日前收工諗住食埋先反屋企，都係叫左個白汁芝士焗海鮮飯，好普通啫，點知平夜起身疴到九彩，今日叫做精神少少去同餐廳經理連小姐講，點知就夾埋個廚房佬話我無証無據唔好亂講，態度仲黑社會咁款，咁點做生意呀，執左佢啦！無食物相影到呀，茶餐廳格局根本無嘢好影！