睇catalogue主要係幾款唔同既海綿蛋糕, 再響里面加官燕, 官燕份量唔同價格不同, 任君選擇.
最後訂左官燕草莓海綿蛋糕, 因為係每日限量手工製造, 所以預訂最少4個工作天前.
到左拎蛋糕果日, 店員先比我望望, 個蛋糕整得好靚, 好精緻, 面層加上好多官燕.
呢個蛋糕用北海渡3.6牛乳打成忌廉黎鋪外層, 夠cream但唔會好甜, 好香, 口感好滑溜.
面層既燕窩當然好味, 有口感又清香. 新鮮草莓粒粒都紅卜卜, 夠新鮮又夠甜, 令人齒頰留香.
里面係海綿蛋糕, 好鬆軟, 而且一整層夾住燕窩, 十分滿足.
媽媽今次好開心, 下次會訂其他口味.
