TOSS 蘇媽.蘇媽

营业中

休息中

🤔薄餅：質地好脆，但唔係牛油酥餅嗰種質地同口感，唔香軟得個脆字。🤔奶油大蝦奶油汁係濃郁嘅雞湯加奶味。有兩塊好脆嘅薄餅跟餐，撈埋啲汁食幾惹味。至於大蝦賣相幾吸引，幾大隻，但係食落唔多蝦膏，蝦身爽口得來冇咩味，應該都係雪藏。🤔辣死你嗎(椰漿飯)配烤雞脾個名聽落好勁，但係味道又同平時啲炸雞髀冇咩分別，而且係偏淡冇咩味。椰漿飯就偏腍身，有啲香味。鋪左一堆銀魚仔，但係硬到完全食唔落。炸蝦片就幾脆。整體嚟講味道正常冇咩特別。蒜香青龍菜未食過呢個菜，貪得意點咗。都OK。口感似好幼身淡味啲嘅韭菜，但係又冇咁黐牙。👌🏼蜜糖燒雞翼 個皮唔係好香脆，味道正常。💯椰香咖央多士成餐飯最好味係呢個咖央多士。雖然比傳統嘅咖央多士較厚身，但係都焗得好香脆。咖央醬充滿椰香味，好香甜，質地柔滑，但又唔會太甜。好味。