三寶燒臘粉麵 (裝修中)

我對燒味情有獨鐘，所以好中意幫襯燒味店，公司鄰近新開咗哩間燒味店，又試試睇吓咩質素先。
點咗個叉油雞雙併飯多色加油菜。
一上枱，果位待應已經話少咗色，咁如果連待應自己都發覺唔夠，就加色啦.....張單都寫明多色啦，寫明又唔加寫黎做咩啫！
再睇睇，喂！蔥蓉呢？要開口問先俾！
再睇睇碟飯，份量少到似兒童餐，油菜得果幾塊，食完要過隔離老麥補飛！
油雞搭幾件肥到不能接受嘅超肥雞加隻瘦雞翼，叉燒又硬，毫無誠意可言！
幫襯老麥套餐，價錢差唔多，但起碼食得飽同有服務啦，三寶，重叫我點再幫襯你呀？拜拜啦！

1