Siamama, Thai & Vietnamese (已結業)

正日生日第一餐当然同我同一日出世嘅家姐以及家人庆祝啦，我哋拣咗呢间位于将军澳嘅泰越菜。下午十二点左右嚟到，客人唔多，职员带咗我哋座喺落地玻璃前嘅大圆枱，餐厅灯光柔和，座位舒适，可以望到商场外嘅平台。食物方面卖相精美，份量不算太多，味道几好，唔算太浓，亦唔会好油腻。冬荫功汤好足料，唔太辣。炒金边粉好味，唔油。四人小食拼盘，柚子青芒虾沙律感觉好清新，虾饼弹牙，鸡肉串烧普普通通，猪肉涷卷清清淡淡，可以平衡热气食物。咖喱鸡柳配薄饼，咖喱唔太特出，中规中矩。越式牛尾煲好惹味，不过份量有啲少。