娘惹廚房 (已結業)

娘惹雞酒（跟生菜）好有酒糟香味，酒糟及糯米酒都係自家釀製，加埋好多老薑煮成 ，半隻雞 $168，1隻雞 $318，我地兩個人叫咗半隻，上枱都好大煱，用火煱熱住咁食，好暖胃又補身，不過記得要提早1日打去落order，因佢地負責人話雞是新鮮，所以不會買太多，有位員工呂小姐服務態度非常好，我地本想叫完雞酒，再叫冬陰公大蜆，佢解釋比我地知冬陰公會解咗雞酒，於是建議食鹽燒烤大蜆 $94，雖然得12隻大蜆，但好juicy，另外叫咗巴東牛肉黃薑飯 $64，巴東牛肉好淋，呢個飯好，雞酒本身配生菜，如唔夠食，可以+$22 order火煱生菜，佢地都有2人餐等好多選擇。