影片
更多
2019-09-25
711 浏览
呢晚入荃湾揾朋友，几个人唔知食咩，行下行下就行到荃湾广场，简简单单食个翠华算。入到去先发觉装修比普通嘅翠华唔同，餐牌上面嘅食物都比较特别，抬高头先见到呢间原来系翠华冰厅，唔系翠华餐厅～呢间翠华冰厅系香港第一间关注蚕豆症同敏感症患者嘅餐厅，餐牌上有标明「蚕豆症人士适用」、「不含7大致敏源」嘅食物，CSR做得唔错㖞！😌👍本人就系花生敏感同好多嘢都唔食嘅人士，所以呢个安排啱晒我🤣🤣可以用电话落单，非常方便。鱼蛋片头QQ米粉（$40）*蚕豆症人士适用**不含7大致敏原*(含鱼类)呢个QQ米粉真系第一次见，好特别。形状系挛嘅，比起一般米粉更加爽口弹牙。翠华嘅鱼蛋片头就一向出名，配上鱼鲜十足嘅招牌鱼汤，清清淡淡又好食👍浓厚鲜茄生滚牛肉通粉 拼 火腿炒滑蛋牛油多士（$56）*蚕豆症人士适用*鲜茄浓汤茄味十足，加上多片生滚牛肉同通粉，肉味渗入浓汤中，更添鲜美。热辣辣，早餐食就啱晒喇！另外仲有用上日本蛋炒成嘅炒滑蛋伴火腿，富蛋香，不过味道较淡，可按个人喜好加入盐🧂坚素肉酱流心煎蛋饭（$52）*素食*呢个饭之前都食过，以Omnipork新猪肉、白菌粒、甘笋粒、西芹粒、香草等等同蕃茄、茄酱制成香浓入味嘅肉酱
呢晚入荃湾揾朋友，几个人唔知食咩，行下行下就行到荃湾广场，简简单单食个翠华算。
入到去先发觉装修比普通嘅翠华唔同，餐牌上面嘅食物都比较特别，抬高头先见到呢间原来系翠华冰厅，唔系翠华餐厅～呢间翠华冰厅系香港第一间关注蚕豆症同敏感症患者嘅餐厅，餐牌上有标明「蚕豆症人士适用」、「不含7大致敏源」嘅食物，CSR做得唔错㖞！😌👍
本人就系花生敏感同好多嘢都唔食嘅人士，所以呢个安排啱晒我🤣🤣
可以用电话落单，非常方便。
鱼蛋片头QQ米粉
$40
39 浏览
0 赞好
0 留言
鱼蛋片头QQ米粉（$40）*蚕豆症人士适用*
*不含7大致敏原*
(含鱼类)
呢个QQ米粉真系第一次见，好特别。形状系挛嘅，比起一般米粉更加爽口弹牙。
翠华嘅鱼蛋片头就一向出名，配上鱼鲜十足嘅招牌鱼汤，清清淡淡又好食👍
浓厚鲜茄生滚牛肉通粉拼火腿炒滑蛋牛油多士
$56
32 浏览
0 赞好
0 留言
*蚕豆症人士适用*
鲜茄浓汤茄味十足，加上多片生滚牛肉同通粉，肉味渗入浓汤中，更添鲜美。热辣辣，早餐食就啱晒喇！
浓厚鲜茄生滚牛肉通粉拼火腿炒滑蛋牛油多士
$56
17 浏览
0 赞好
0 留言
坚素肉酱流心煎蛋饭
$52
45 浏览
0 赞好
0 留言
*素食*
呢个饭之前都食过，以Omnipork新猪肉、白菌粒、甘笋粒、西芹粒、香草等等同蕃茄、茄酱制成香浓入味嘅肉酱，分量相当慷慨，配上流心煎蛋，捞饭食一流😋
泪光麻辣咸牛深海爆蛋号拼翠脆薯条
$32
13 浏览
0 赞好
0 留言
够晒足料，满到泻💦🤤
睇落只系一个普通嘅蛋牛潜艇，估唔到入口又麻劲十足，十足十食米线𠮶种麻辣，麻味停留喺个口到留好耐，好过瘾🤣 但配落潜艇到好唔好食就见人见智啦😌
咸牛肉以日本蛋汁炒，相当嫩滑，一啲都唔干，咸牛又真系几咸😜
宇宙秘制猪软骨汉堡（$42）汉堡通常都系牛鸡鱼，呢到竟然有猪软骨汉堡😦
我不嬲都好钟意食翠华嘅猪软骨，又香又入味又软熟，呢到嘅都唔例外。
虽然个自家制嘅包都好好食，不过两样配埋就麻麻喇，因为啲猪软骨好易跌出嚟，个包又高，唔可以一啖咬晒😂 分开食都可以嘅！
坚素Cheezy牛魔王炒滑蛋汉堡拼翠脆薯条 (素)
$58
28 浏览
0 赞好
0 留言
好多人都唔食牛，又想试下人哋食蛋牛治𠮶种滋味，呢个就啱晒佢哋喇。
Beyond Meat植物汉堡扒以豌豆、红菜头、椰子油制成，有牛肉嘅口感，亦带牛肉香。
鸡蛋亦都系采用日本蛋，肉香蛋香兼备。
值得一提嘅系呢到嘅包全部都系自家制嘅，以日本面粉、鸡蛋每天新鲜制作，外层脆口、口感软熟，又带浓郁嘅芝麻香，真系好好食🤤
雪雪浓滑丝袜奶茶冻
$28
22 浏览
0 赞好
0 留言
每日限量50支，非常吸瘾。
翠华嘅奶茶一向做得出色，呢个创新嘅配搭就为奶茶加添一点色彩✨
底层系香滑奶冻，上面加入招牌丝袜奶茶，两者一齐饮，奶冻嘅奶味其实会比奶茶盖过，不过口感好有趣，不妨试试。
-
Menu:
张贴
