飽飽豬 (已結業)

價錢平民化味道不錯最推大阪燒（配豚肉/肥牛最正，都可以隨心加粟米芝士同雞蛋增加口感）大阪燒都只係35元起跳，不過最好叫豚肉/肥牛即係38元起跳。我覺得又平又好食。牛平燒同蛋豚燒都好食，加芝士超邪惡。呢兩款都係40元起，加芝士都係47元。大阪燒，牛平燒同蛋豚燒調味做得好好，都算飽肚。漢堡扒係自家製的，好Juicy ，可以一試。至於佢哋嘅烏冬同拉麵都係正常好食。佢味噌湯係用白味噌嘅，咁就冇咁鹹，唔錯。總括來說同佢鋪名一樣，飽飽豬和性價比高。