幸福駅 (香港大學) (已結業)

當初以為係華御結之流，香港d飯團店又多負評，所以都未敢去試。直至前排有朋友推介，食左發現又唔錯wor！飯團首推芥茉八爪魚，然後係吞拿魚沙律。帝王蟹沙律都ok。紫菜非常香同脆，唔會濕L晒，似日本食到既紫菜。新雞肉個d口味唔建議試，d肉又凍又無味，似係淨食紫菜。三文魚沙律都唔好食，比較咸，無三文魚味。識食一定食吞拿魚。學生同員工有折扣。每個飯團14－18蚊不等，算抵。至於佢d飯盒就無食過，份量見幾大份，但係飯太多，而且怕中伏。有勇者可以去試食再寫食評。