影片
更多
2023-04-20
829 浏览
人生第二次写食评，太好食总系觉得𠮶啲唔需要写，总系觉得有麝自然香，但系太难食，仲要咁多人赞，咁就真系要写嚟警世一下。午餐- 慢煮西冷牛扒配薯蓉前菜 龙虾汤 - 跟餐送嘅龙虾汤，除咗个温度系值得表扬嘅之外，呢个龙虾汤实在揾唔到任何过人之处，金拱门嘅龙虾汤都会比佢做得好，不过既然系送嘅，都冇咩好埋怨，唔会期望佢用十斤八斤虾壳去熬，如果有，咁只能够讲真系好惊喜。主菜 慢煮西冷牛扒配薯蓉-配菜方面，𠮶两块红萝卜硬过我个头，系想畀人食定系一个装饰？薯蓉好干身，一啲都唔滑，薯蓉都能够做到有一种overcook嘅感觉，都真系顶尖。好啦，可能系我放错重点，叫得慢煮工业，个重点应该系啲肉嘅，即刻试一试佢先。由于侍应冇问过我想块牛扒几多成熟，咁梗系要快啲切开佢睇吓，见佢咁有信心，牛扒刀都唔畀把我，应该好掂啦。哈，一切落去果下就知濑嘢，啲筋多过我阿嫲啲白头发，我唔系讲紧西冷本身外围条筋，而系里面一丝丝嘅细筋，一直落去𠮶吓，啲幼幼嘅细筋撠住我个喉咙，就好似系个喉咙度用牙线嘅感觉咁，好L正，M底可以一战。咁嘅情况，即刻转阵问佢攞把牛扒刀先啦。常言道: 横纹直切。但呢镬我横切直切斜切角切顺切逆切胡乱切线都搞唔掂，
午餐- 慢煮西冷牛扒配薯蓉
前菜 龙虾汤 -
跟餐送嘅龙虾汤，除咗个温度系值得表扬嘅之外，呢个龙虾汤实在揾唔到任何过人之处，金拱门嘅龙虾汤都会比佢做得好，不过既然系送嘅，都冇咩好埋怨，唔会期望佢用十斤八斤虾壳去熬，如果有，咁只能够讲真系好惊喜。
主菜 慢煮西冷牛扒配薯蓉-
配菜方面，𠮶两块红萝卜硬过我个头，系想畀人食定系一个装饰？
薯蓉好干身，一啲都唔滑，薯蓉都能够做到有一种overcook嘅感觉，都真系顶尖。
好啦，可能系我放错重点，叫得慢煮工业，个重点应该系啲肉嘅，即刻试一试佢先。
由于侍应冇问过我想块牛扒几多成熟，咁梗系要快啲切开佢睇吓，见佢咁有信心，牛扒刀都唔畀把我，应该好掂啦。哈，一切落去果下就知濑嘢，啲筋多过我阿嫲啲白头发，我唔系讲紧西冷本身外围条筋，而系里面一丝丝嘅细筋，一直落去𠮶吓，啲幼幼嘅细筋撠住我个喉咙，就好似系个喉咙度用牙线嘅感觉咁，好L正，M底可以一战。
咁嘅情况，即刻转阵问佢攞把牛扒刀先啦。常言道: 横纹直切。但呢镬我横切直切斜切角切顺切逆切胡乱切线都搞唔掂，切切吓，开始进入咗忘我嘅境界，差啲唔记得讲块扒嘅味道。
扒嘅味道，就系冇味道可言，不论系调味定系牛本身嘅味道，都系冇，咁梗系要即刻用佢咁用心on side嘅黑椒盐啦，一试，果然冇帮助！完全冇办法带起一丁点牛味。
结论-
无论系牛嘅味道定系质感都一样咁差，成餐饭都好似愤青上身咁，越切越按耐不住心底嘅愤怒，一度切下切下想切埋自己，最后，年少气盛嘅我，都系食唔完，放弃咗。
整体感觉好差，冇咩嘅话唔会再尝试。
24 浏览
0 赞好
0 留言
张贴
