西貢茶記 (已搬遷) 新店位置

去茶餐廳食嘢，其實對食物、服務水平都冇乜要求架喇！但求快快醫肚趕住開工！真係好趕架！但呢間茶記，食物簡直食唔落口，味精多到嗱口既！食咗兩啖已經唔敢食！最簡單嘅一杯奶茶，冇茶味冇奶味，似淡奶水多d!個唔知老闆定員工喇，佢落錯單，同佢講唔啱嘅時候，竟然發脾氣怒目啤著我，話佢一定唔會錯！一定係我講得唔清唔楚！仲望著我張工作証，話會記住我！接受唔到意見，就唔好打開門做生意啦！我都費事同佢癲！反正唔會再幫襯！我依家終於明白，點解隔離左右爆曬棚，呢間嘢仍然大把位！