東南加 (麗港城商場) (已結業)

唔係住呢區，咁啱今朝行過來，就搵間餐廳食個早餐。唔使等位入左嚟。叫左個雞翼炒蛋麵，同埋熱檸茶。都算快嚟到。啲雞翼好多粉，偏鹹，又好奇怪咁落蒜蓉，幾條椰菜有怪味。啲麵唔入味，淨係得丁麵味粉嘅味喺個湯度。係啲炒蛋正常少少。連熱檸茶都有怪味，我飲都飲唔晒。我真係未飲過咁難飲嘅檸茶。唔明點解檸茶都可以咁難飲。我好少咁踩一間餐廳。但呢間真心難食。唔怪得咁少人嚟食。突然記起我之前都食過一次，唔知點解俾自己再中多次伏。