估唔到今時今日居然仲有咁離譜既餐廳, 咁多餐廳結業真係唔知點解佢可以生存到
係門口見到menu同之前唔同咗, 不過應該冇咩分別掛
4
招牌雞飯 & 檸檬黑椒雞飯 ($108)
落單之後侍應話飯仲煮緊要等20分鐘問我地轉雜菜好唔好,
但怕唔夠飽所以我地決定等飯, 點知飯嚟到竟然係半生,
其實都等左20分鐘真係唔差在等多陣, 點解要比d唔熟既米人食?
雞偏乾少少但係好食既, 不過既份量比其他食評既相少好多
烤魷魚 ($78)
睇之前食評d相好似唔錯就點咗, 點知黎到完全唔同,
雖然睇落好似燒過不過一d焦香味都冇, 而且完全冇調味,
相信連鹽都冇落, 淨係靠個底疑似罐頭茄汁當調味
野火薯仔蛋餅 ($68)
又係冇調味既薯仔同蛋, 好彩枱面有椒鹽同七味粉可以自己落,
但最大問題係佢唔熟, 第一次食流心既薯仔蛋餅(有圖有真相),
一開始冇諗咁多仲諗流心咁特別既?
返到去睇返其他食評既相蛋餅唔係流心先知佢應該係唔熟
