瀰月屋 (已結業)

同朋友食完飯諗住去食甜品~ 去左排 [天與地豆腐花]... 排排下發現隔離有間日本甜點
即刻轉軑排隔離... 嘻嘻~ 入面D裝潢都OKAY，有日本FEEL~ 排左一陣就有位~ VERY LUCKY
我地3個1人ORDER1樣野~ 有...店舖推介既原粒蘋果批，3拼(葛軟糍，燒魚仔餅，仲有個個唔記得叫咩名) 另一個唔記得叫咩名~ 但好搞笑~好好玩~

唔記得左個名

呢個就係其中一個唔記得名~ 我地揀左黑糖味~ 好爽口~ 佢有2舊啫喱仔(蒟蒻物體)~ 仲有碗有冰既黑糖水~ 要先將個個啫喱仔放入個木盒仔之後用個個棍仔推會切到一條條咁~推晒落去個碗黑糖水~ 之後有D好似食面咁~ 完全係好味在個糖水~ 其實個個啫喱仔係冇咩味的... 呢個試一次就夠了~

葛軟糍 燒魚仔餅 仲有個唔記得個名

之後就係呢個拼盤~ 3拼(葛軟糍，燒魚仔餅，仲有個個唔記得叫咩名) 燒魚仔餅~ 好普通好似出面個D咁~ 冇咩特別~ 跟住葛軟糍~ 呢個係我覺得最好味既野~ 煙煙韌韌~ 又好味~ 我個人認為黑糖味最好味~ 之後個2個盒仔就同之前個個好似~ 又係有冰既糖水~ 但呢個個質地唔一樣~ 呢間野好得意~ 有好多野食都係季節限定~ 我想試既西瓜波波冇得食T~T

蘋果批

最後呢個要等既係原粒蘋果批~ 味道OKAY~ 熱辣辣~ 其實同食開既普通蘋果批一樣~ 佢只係特別在原粒蘋果咁上~