逸廬餐廳 (已結業)

為左慶祝聖誕節，我地一班好友約左黎呢間餐廳食晏，選呢度除左近公司外，重要係佢啲食物質素好﹗地方雖然細但乾淨，又有海景睇下。我地八個人坐埋邊，一邊傾計，一邊望景，一邊嘆美食真係好正﹗講番正題。午餐價錢由88元至138元，有頭盆—沙律；餐湯—西蘭花忌廉湯或野菌磨菇湯；如果唔啱可以加錢轉款，不過我地覺得滿意，所以無人轉﹗主菜有Roasted Rack of Lamb，肉質夠嫩，無羶味，點埋芥末真係好正﹗Pan Fried Salmon Fillet，唔鍾意食魚既都可以一試，唔腥兼夠香﹗Red Chilli Pasta w/King Prawn，蝦夠大隻，煎得好香口，跟埋意粉夠飽肚﹗Grilled Beef Tenderloin，夠juicy，肉質夠冧，好滋味喎﹗仲有其他如Pan Fried Pork Fillet、Grilled Duck Breast、Normandy Oyster Rice，不過我地今次無人揀佢，所以唔會响度評論﹗西餐當然唔少得甜品，今次我地除左試佢既home made dessert之外，另加拿破崙同埋心太軟，呢兩款都真係不可不試﹗講到服務，唔算最好，出菜唔算慢，比起最