辛安東元祖奶奶雞 (已結業)

中式鸡煲就食得多啦，今次去咗食韩国嘅安东元组老奶奶鸡，系必食招牌，半只鸡$158来讲我觉得都几贵㗎！上咗碟之后份量都唔系话好多，两个人食都唔系太饱，我哋叫咗小辣味道，成碗都系偏重口味，即使佢配左粉丝都要另外再加啲白饭去配搭，先会令冇咁咸。除咗份量少啲同埋重口味咗啲之外，鸡嘅方面就唔错啦！几嫩滑弹牙，有鸡油香味，切得都几大件，唔会话炖煮完之后织晒水好老好鞋身，蔬菜都令到个味道清爽少少，佢仲可以加多$30转火锅，就同出边食鸡煲差唔多啦！我觉得呢一间铺头已鸡系主打来讲佢系可以encore，但就会想食吓其他味道同小菜，我觉得始终原味都系太咸啦～