台灣滷 (已結業)

這是一間做外賣便當的台灣食店, 每次經過都見到好多人。今晚係附近食完飯, 好想飲甜野，於是就去呢間舖頭買一杯飲品。其實呢一間唔係轉做飲品店的，但是因為每一次都見到咁多人排隊買他的便當，就好奇想試一試飲品！叫左杯珍珠奶綠。佢真係好多單，都等咗一陣先至有飲品。個服務員超好禮貌，同我講唔好意思，話要我等咗咁耐，其實我覺得都唔算好耐，佢真係好冇禮貌。跟住又問我使唔使幫我桔支飲筒入杯飲品，佢驚我會倒瀉。跟住桔完之後，佢有一個位好細心，佢用一張紙巾撳住個飲筒口，再把飲筒按入去，呢個位超級好！佢唔會用自己個手套去按嗰支飲管，因為這樣子就會有很多細菌，跟住我讚佢很細心，她很開心。落單個陣, 雖然甜度冇得揀, 但佢同我講話佢哋舖頭嘅飲品係少甜嘅。跟住我飲咗一啖，真係幾好飲，個珍珠好淋，甜度適中，唔太甜。奶綠都幾香，係清甜既味道，好啱我飲。我覺得佢比好多專賣飲品店嘅手搖飲品好味！下次要試吓佢嘅外賣便當先！