加東 (已結業)

由于好钟意食海南鸡饭，所以都成日会见到就叫黎试下。等嘅过程好快，只系几分钟到。加东哩个海南鸡饭价钱唔算贵，所以亦都好正路咁只系一个非常之普通嘅饭。鸡份量就正常，无骨，都切得比较细，但都算系滑身，味道都唔错。饭有少少油味但唔重，亦都比较湿，湿嘅饭都几扣分下。调味就都有齐3款，但都味道唔算突出，其中个姜蓉最失色，无咩味咁。最后就有碗汤，有一旧冬瓜咁，好普通嘅味精汤。整体就系好正常嘅一个饭，我相信系朗豪坊个food court会有其他野更好食，不过唔够$60嘅价钱，如果你想食都可以一试，但唔好太大期望。