Sushi Zo

营业中

休息中

因为庆祝生日，经朋友推介下，就book左呢间omakase试下。一间房8位客人，会有位员工专门招待每pair客人，而间房就有2位厨师准备食物，其中一位厨师仲系日本人添。仲会好贴心咁问你要唔要wasabi等等。基本上每道寿司/小食都上得密，唔会话要你等太耐，而且食材都真系好新鲜，完全唔会话有一碟有腥/怪味，好多款都入口即溶咁济。而个海胆饭就更令人深刻，直接用海胆壳呈上，混埋唔同既配料好似鱼子酱、鱼子等等捞埋一齐就好似啲海水系你口到浪浪下咁，成碟都好新鲜。整体由汤，到到甜品，每样都冇令人失望，最后食到捧住个肚好满足咁走，而个员工亦会帮你清洁对筷子，比你带走留为纪念。系价钱上略为比其他omakase贵，但咁新鲜+咁好服务都值既。