無邪氣 (已結業)

我同朋友本身係想入去試佢$39 的晚餐，但經查問後發覺原來佢到七點半就完。o個時D 店員已經對我o地眼超超，但係諗住一場去到，就食一餐至走。我o地點完菜，佢問我o地要唔要野飲，想我o地叫餐牌的飲品，我o地望一望，唔想要。跟住佢問我o地要唔要杯茶，但係原來連一般餐廳都會提供的綠茶都收三蚊杯，咁梗係唔要。之後佢就連滾水都唔俾，由得我o地乾梗。咁都算，我o地o個日出去係慶祝。我o地坐左一個鐘左右，最後一個差幾啖湯就飲完。點知個店員走過黎話張檯有人book 左，叫我o地快D 埋單，而我o地好合作地即刻埋單。但重點係佢之後將張檯俾左班剛剛入黎的人，好明顯佢o地先前冇book 檯。<br>咁算咩呀？趕客呀？佢做呢單生意做得咁勉強，我下次都係唔好強人所難啦！枉我仲鬼咁好禮貌，唉，「今時今日，咁o既服務態度未夠o架」！