首次幫襯，發現跟以前餐廳既裝修好大分別。現在做左吧枱位置食野，比起以前寬倘又開揚好多倍，極具日本味道。因為全餐廳都用上黃色燈，照相都搞到黃甘甘添。但最重要係食物質數，如果出品差，您整到黃宮咁靚又點啫。
甜心蛋，一攞上手勁冰凍，真係估佢唔到，嚇親添 ﹗唔多覺 menu 上面有強調係凍架喎。甜心蛋，滿以為係熱架添，類似溫泉蛋或燻蛋嗰啲，失望 ﹗睇個 menu 真係意會唔到係冷盤黎喎 ﹗又唔寫清楚。冰凍半生熟蛋，我都可以既，第一次。我最終意食太陽蛋同半生熟蛋喇，蛋黃味都夠濃，滿意，好味，夏天食更好。
黑豚肉露筍卷，露筍苗有渣又有草青味，差。不夠爽甜，削晒層皮會好一點。免免強強啦，一試無妨。
吉烈魚柳配千島醬，即叫即炸真係非常新鮮熱辣。魚肉嫩滑有肉汁，外層勁脆，咬落烚烚聲。但係口感過硬喇，唔鬆化，有點刮口，食得唔舒服，扣分。
辛辣湯底海鮮手打烏冬，辣就唔係好辣，覺得偏咸囉，食完好頸喝啊 ﹗手打烏冬？﹗好實硬喎，好明顯水跟粉既份量比例完全錯晒，又或煮雪過囉。依家唔係叫嚥靭，絕對只能話係硬 ﹗係乾 ﹗又唔滑溜，好差 ﹗跟多年前第一、第二家做手打烏冬既真係天堂與地獄 ﹗到底識唔識做架？好懷念當年滑嘟嘟、飽滿、充滿水份、嚥嚥靭靭、米香非常既手打烏冬呀 ﹗您黎來啦 ﹗
豬骨湯豬軟骨手打烏冬，烏冬剛才提過，唔洗再講，一個字差 ﹗女朋友仔跟我都好失望。試試個豬軟骨先，咩黎架？同上海糖醋排骨機乎一樣，而且好乾鞋噃，口感又散，都係差 ﹗
