大快活 (新都城中心一期)

营业中

休息中

今次去大快活試吓佢嘅海陸空鐵板餐，份量都幾多：炸魚扒、豬扒、雞扒、芝士司華力腸、酥皮忌廉湯、牛油包、粟米肉粒飯、柚子檸檬梳打特飲。特飲餐基本$75 ，奇就奇在係冇跟飯或者意粉，要另外加$4先有個粟米肉粒飯，埋單$79。味道算係幾好，啲扒同腸仔夠大份，食落裏面都有肉汁，唔會乾柴柴，個炸魚扒都好味，配菜椰菜花仲係爽口，感覺幾新鮮，整體好味過大家樂。個酥皮忌廉湯係用紙碗焗，焗完出嚟本身個碗已經軟腍腍，食酥皮嗰陣分唔到究竟係搣梗個酥皮定係個紙碗，感覺好奇怪。