J.S. FOODIES (港威商場)

营业中

休息中

每次经过foodies 都见好多人排队，今日终于约咗同事一齐试吓，我哋大约12:45就去咗排队，嚟到前面已经有三组人等紧，好彩我哋大约等咗15分钟就有枱啦。 安排咗我哋坐入边一张三人枱，我哋三个女仔叫咗2个午餐（黑松露忌廉杂菌意粉&牛板腱太阳蛋饭配烧汁）再加一个原味疏乎厘。午餐就有得附送饮品，咁我哋嗌咗一杯可乐一杯柠檬饮品。等咗一阵间，黑松露忌廉杂菌意粉第一碟上枱，忌廉汁味道浓郁好香，意粉食落口唔会太油腻软硬适中。之后第二碟上枱就系牛板腱太阳蛋配烧汁，我觉得牛肉煮得啱啱好，唔会太硬而且容易入口，配埋个烧汁绝对好味。最后终于上甜品，期待已久的疏乎厘完全冇令我失望，一句讲晒好味。总括嚟讲餐厅食物，味道一流，服务都唔错，性价比高。一定会再食。