甜藝家 (已搬遷) 新店位置

「甜艺家」喺本地出名饼厨Tony Wong嘅新店，话新都唔新喇，依家都已经有3间店舖。套用官网嘅介绍，佢就喺一家以低糖、健康食材、用心制作、革新与创作嘅甜点饼店。又再次多谢老友嘅心意，送赠小弟一包甜艺家嘅蛋卷（原味），虽然，依个系列主要都喺讲曲奇，不过，一提及蛋卷，多多少少又联想到去曲奇，所以，今篇食评都放埋晌依个系列！据介绍，采用有机小麦粉，海藻糖，配以法国法定产区（AOC）牛油及优质忌廉制造，除原味、茶味、伯爵茶、朱古力外 ，更突破传统加入优质果蓉制作，如红桑莓、芒果。虽然，小弟依包只喺原味，都要用心品尝。睇落唔觉，咬一口就会发觉条蛋卷都卷得几厚，又唔可以话佢唔脆，脆口得嚟喺𠮶种实净感，即喺唔喺一咬成阵风咁碎晒。至于蛋味，算唔上好浓郁，亦无话好香嘅牛油味，我想喺晌味道与健康中取个平衡，可以讲喺较轻健康嘅蛋卷。晌浏览官网时，见到佢啲产品真喺有啲与众不同，好似金菠萝酥、柔风脆饼、玫瑰酥、朱古力爆炸雪茄、蜜糖杏仁饼……等等，听落都已经觉得喺有趣嘅出品。