Morokok (家樂坊)

营业中

休息中

近排见到好多网上面同埋IG都有推介呢一间新开喺家乐坊嘅餐厅，所以我同friend就决定去试一试，因为知道平时有好多人排队，所以我哋都一早预约左去食饭。一入去已经见到餐厅装修得好靓同埋有好多打卡位，唔知系咪因为啲顾客系女仔比较多，所以啲店员多数都系男仔。我哋几个人叫咗六样嘢同埋一人一杯饮品，个椰青系成个开俾你嘅我，而且椰青水都好甜好清新。首先我哋叫咗泰式小食拼盘，个小食拼盘好适合大家share黎食，啲鸡翼同埋春卷都整得好好食。然后仲有蒲烧鳗鱼海胆炒饭，个鳗鱼好大件好抵食，而且啲炒饭都味道唔错，不过我就觉得冇乜海胆味，除咗呢样之外都系唔错嘅选择。另外我哋叫咗一碟通菜，虽然菜式普通左少少，但系都炒得几好食蛋包泰式炒金边伴扒大虎虾，呢个应该系最多人推介嘅食物，个金边粉样已经好靓，而且我觉得味道都系唔错嘅，所以如果大家嚟一定要点呢样𩠌！柚子千岛酱薄饼系我唯一一个觉得一般嘅食物，可能因为Pizza上面嘅料唔多，而且佢个系有少少冻左，所以食落去就觉得麻麻地。芒果糯米饭又系另一个必点嘅嘢食，上𠮶阵仲系热热地，芒果好甜而且糯米饭都好好食，好岩打卡。