慢煮工業 (已結業)

之前食过慢煮工业嘅午餐，觉得佢个慢煮牛扒平得嚟好高水准，所以今日带朋友嚟试下佢晚餐。见menu有美国菲力牛扒，我哋叫咗嚟试下，菲力牛扒为位于牛腰肉的末端，不是负重的肌肉，比较少筋而肉质较软嫩鲜甜，餐厅用咗香草同蒜头调味，牛扒低配亦都又有一块煎过嘅芝士，带出另类嘅咸香味。朋友叫咗法式猪鞍，每啖都有好重嘅油脂感，外层就有少少焦香，猪鞍用咗椒盐调味，配有甜甜酸酸嘅红酒酿苹果中和油腻嘅感觉。我哋另外叫咗烧露笋，小小烤过，爽口得嚟香口。黑松露巴马臣芝士薯条，闻到好香嘅黑松露同芝士味，芝士条独立今又有另一层口感，薯条炸得好香脆，仲有少少薯皮。芝士流心蛋大啡菇，一下切开温泉蛋，捞埋芝士同啡菇一齐食，弹牙嘅啡菇带住芝士味同蛋香味，净低嘅蛋汁用嚟点薯条仲好食过者蛋黄酱。菠菜芝士焗蚝，好肉地好 juicy，芝士焗到好香脆。