八一蕃巴蜀烤魚店 (砵蘭街) (已結業)

太子砵兰街一向不乏美食，之前已经听朋友讲过八一蕃巴蜀烤鱼店，烤鱼店呢家喺香港逐渐流行，大概系疫情前港人好中意北上食烤鱼开始。鱼类主要分为草鲩鱼同埋骨少肉嫩之选，骨少肉嫩之选有𫠐鱼、海鲈鱼、多宝鱼，另外可以选择辣度，或者吾辣都得。餐厅有使用共厨家作嘅养生饮品，上网睇番先知共厨家作系一间推广培育计划嘅社会企业，皆在为热爱厨艺嘅社会创业家提供平台加资源加培训，令佢地可以制作精品同特色饮食产品开创个人事业。叫啲串烧食住先，烧牛舌同烧白鳝，烧牛舌好大件够烟韧，烧白鳝超正！冇骨之余沾上烧汁好有日式风味。猪牛鸡可以配烧汁/ 沙爹汁，我拣咗沙爹汁，鸡肉烧得好香，够嫩滑，沾上沙爹汁满满港式风味。烤鱼拣咗香辣味，黎到戈阵已经闻到劲香👃🏼上面布满豆豉同辣椒🌶️鱼肉啖啖新鲜，肉质结实，香辣味甚浓，两个人好快就Ko晒😂生津李干苹果茶好解渴，饮得出系自家制好足料，吾会系死甜，两个人平均每人饮到两杯几划算。