星海．譽宴 (The ONE)

营业中

休息中

近年都会约定朋友食一餐大闸蟹，今年拣咗之前未食过嘅誉宴，算系咁多年来最好的一餐每位$428另收加一，其实同坊间酒楼差唔多价钱，但质素的确唔错。而且𩠌菜逐道奉上，除临尾赶收工就一次过上晒姜茶、炒饭同甜品…但至少比以前去其他地方食大闸蟹餐时，未食完一碟已经上紧下一碟来得好。食物方面，蟹粉小笼包皮薄有汤汁；花雕鲍鱼可以唔驶沾芥末，已经非常够味，鲍鱼又唔韧；大闸蟹虽然得一只（坊间通常3只）但质素唔错算多膏；蟹粉翅汤系全餐最出色的一味菜，食到蟹肉碎同翅丝，足料好味；稍嫌失色系乳鸽，外皮太咸了。此餐另大方地附有一壶400ml花雕酒，配搭话梅一齐饮，相当特别。