悅知味中泰越風味融合菜 (裝修中)

[✨大窩口悅知味 ]#大窩口 #悅知味🔸越南鮮蝦芒果米卷 $68米紙卷作為越南菜其中一個代表，梗係要試下啦！作為主角嘅鮮蝦大大隻相當鮮甜彈牙，最有驚喜嘅係佢個芒果，果甜好濃郁，食得出真係好高質；米紙卷本身好薄好煙韌，加上清新嘅青瓜絲同蘿蔔絲，整體口感真係好豐富，作為前菜非常出色👍🏻🔸香茅燒雞中翼 $48雞翼燒得香口，外脆肉軟咬落勁juicy，唔錯嘅一份小食。 🔸馬拉盞炒通菜 $88鑊氣十足嘅地道小炒，通菜嫩綠爽脆，馬拉盞鹹香十足帶點點微辣，好好食！🔸泰式乾炒河(雞) $118份量好多下，河粉煙韌炒得乾身；雞肉嫩滑，調味入味，除左雞肉外仲可以揀牛肉或豬肉，總有一款岩你！————————♡♡♡♡♡♡————————✨總結餐廳主打中泰越FUSION菜，裝修寬敞明亮，二樓全層仲要係包廂嚟，私密性十足岩哂一家人或者朋友相聚；食物水準真係有驚喜，特別推薦呢度嘅米紙卷，應該係我係香港食過最高質嘅，價錢亦唔貴CP值十足，值得一再encore！📍悅知味中泰越風味融合菜🏠 荃灣國瑞路168號縉庭山商舖@joyluckclubhk #jmhkfoodie #hkfoodie #hkeat #hkeats #