倫記車仔麵 (已結業)

食左呢間野就快兩年，
今次就打下食評啦。

依加已經唔係十八蚊啦，加價去到廿六蚊三個"餸"
基本車仔麵有既餸都有齊，仲有ｄ比較小朋友既餸如薯片，炸雞翼午餐肉煙肉漢堡扒。
我唔係好食內臟，所以入面ｄ小朋友餸就岩晒我。
特別一提係好多餸佢都會以炸既形式處理。

炸薯餅，必叫，炸得岩岩好，唔會太乾。
雞翼同樣都唔差，炸卜卜之餘仲有嫩肉，不過平時叫餸就只有一隻，唔係好抵。

我通常都會加配料，而間店都係任加嫁

而環境方面，入面有三部大電視，坐咩位都睇到嫁。

（衛生方面唔可以期望太高，不過不失，琴日我叫左墨魚丸，呀姐唔小心跌在粒係地，佢拎返黎洗下就去炸。至少佢都有洗過的）