影片
更多
2014-01-20
2213 浏览
我同妹子都好钟意抹茶，特别系抹茶甜品，一直好想试抹茶馆，不过佢只有3间分店，对住香港岛嘅我地嚟讲唔太方便。今日衬星期日，终于的起心肝去钻石山试吓。下昼3点唻到，唔太多人，我地即刻有位坐，不过坐左半个钟到，外面已经排队等位。我地食左lunch, 念住试吓甜品，所以叫左抹茶tiramisu同抹茶巴菲杯，不过见到有好抵食嘅热狗餐，就叫埋试吓，最后当然唔少得传统抹茶啦。最快到系传统抹茶，和式木盆上有装上抹茶粉嘅瓷碗，一壸热水，两粒白玉，一碟糖，同抹茶专用嘅“发”。我立即跟著附上嘅步骤试整，其实都好难兼好费力，要保持个“发”垂直打转，我打左好耐先起泡，碗茶都冻晒。附送嘅白玉，口感麻麻，食左一粒自己唔想食，完全唔似平时日本食嘅白玉质地。跟住到嘅就系抹茶tiramisu.之前喺openrice见d食评都钻晒，所以一直好想试，兼好高期望，tiramisu装喺木盒仔度。佢望落都几吸引，面头铺满抹茶粉，食落都好几香抹茶味，芝士味啱啱好，中间夹一层蛋糕，食落冇咁腻，仲附送一杯苿莉花茶，食完甜品饮啖茶，啱晒。抹茶巴菲杯外形几靓，顶层系抹茶雪糕，跟住系忌廉红豆，粟米片下面系豆腐布甸，最底层系抹茶寒天。我觉得抹茶
我地食左lunch, 念住试吓甜品，所以叫左抹茶tiramisu同抹茶巴菲杯，不过见到有好抵食嘅热狗餐，就叫埋试吓，最后当然唔少得传统抹茶啦。
最快到系传统抹茶，和式木盆上有装上抹茶粉嘅瓷碗，一壸热水，两粒白玉，一碟糖，同抹茶专用嘅“发”。我立即跟著附上嘅步骤试整，其实都好难兼好费力，要保持个“发”垂直打转，我打左好耐先起泡，碗茶都冻晒。附送嘅白玉，口感麻麻，食左一粒自己唔想食，完全唔似平时日本食嘅白玉质地。
跟住到嘅就系抹茶tiramisu.之前喺openrice见d食评都钻晒，所以一直好想试，兼好高期望，tiramisu装喺木盒仔度。佢望落都几吸引，面头铺满抹茶粉，食落都好几香抹茶味，芝士味啱啱好，中间夹一层蛋糕，食落冇咁腻，仲附送一杯苿莉花茶，食完甜品饮啖茶，啱晒。
抹茶巴菲杯外形几靓，顶层系抹茶雪糕，跟住系忌廉红豆，粟米片下面系豆腐布甸，最底层系抹茶寒天。我觉得抹茶雪糕嘅抹茶味唔够浓，同via tokyo比，佢唔够滑，不过都冇via tokyo咁腻。题外话，个杯真系好高，食嘅时候一定要扶住，如果唔系好易成杯跌左冇得食。
热狗餐包一只热狗同沙律，仲有一碗清汤，下午茶嚟讲份量都好够，我地试左照烧汁猪肉热狗，条肠幼身不过好爽口，夹埋d肉一齐食，好味，要弹嘅系个沙好淡。
张贴