影片
更多
2012-05-04
272 浏览
3月尾，趁天氣重未好熱，到沙田這間有露天座位的餐廳happy hour。餐廳位於2樓，先要經過1條長樓梯。reception設在地面。很奇怪，那位女仕用對講機通知樓上有2位客人，但係我地等咗2～3分鐘，佢又問咗好幾次都無人應佢，唔通上面好忙？星期四下晝5點幾，全場得1檯外籍人仕。室外空間很大，我地被安排到最外邊位置。 今日唔想飲啤酒，雖然happy hour的紅酒價錢只係比normal hour平＄10倒，大概＄4x／杯，也就來2杯囉！又要咗1份香腸拼盤。紅酒當然係平價貨色，勝在份量也多。香腸拼盤味道ok，最好笑係其中1條竟然係你同我都好熟識嘅廚師牌雞肉腸！洋蔥汁能為白烚無煎過嘅香腸加1點香氣。薯蓉不滑溜，唔香，份量屬微型。伴碟嘅什菜份量亦奇小，可幸混合似係桃汁嘅沙律汁，都幾好味。 坐咗半個鐘倒，才有一對男女到來。又奇怪，全場得2檯人，竟然安排他們2人坐喺我地隔離張檯！唔通驚我地悶？坐2個鐘傾吓計，每人都係幾廿蚊，環境都唔錯。但始終比人感覺係，食物可以做得更用心，服務可以更顧及客人所想，例如想要煙灰缸、黑椒同後來追加1杯紅酒，每次都要等待服務員出現。加上座位的奇怪安排，實在係令人覺得
餐廳位於2樓，先要經過1條長樓梯。
reception設在地面。很奇怪，那位女仕用對講機通知樓上有2位客人，但係我地等咗2～3分鐘，佢又問咗好幾次都無人應佢，唔通上面好忙？
星期四下晝5點幾，全場得1檯外籍人仕。室外空間很大，我地被安排到最外邊位置。
今日唔想飲啤酒，雖然happy hour的紅酒價錢只係比normal hour平＄10倒，大概＄4x／杯，也就來2杯囉！又要咗1份香腸拼盤。紅酒當然係平價貨色，勝在份量也多。香腸拼盤味道ok，最好笑係其中1條竟然係你同我都好熟識嘅廚師牌雞肉腸！洋蔥汁能為白烚無煎過嘅香腸加1點香氣。薯蓉不滑溜，唔香，份量屬微型。伴碟嘅什菜份量亦奇小，可幸混合似係桃汁嘅沙律汁，都幾好味。
坐咗半個鐘倒，才有一對男女到來。又奇怪，全場得2檯人，竟然安排他們2人坐喺我地隔離張檯！唔通驚我地悶？坐2個鐘傾吓計，每人都係幾廿蚊，環境都唔錯。
但始終比人感覺係，食物可以做得更用心，服務可以更顧及客人所想，例如想要煙灰缸、黑椒同後來追加1杯紅酒，每次都要等待服務員出現。加上座位的奇怪安排，實在係令人覺得不足。
希望此處能自我圓善，始終沙田的露天餐廳酒吧唔多，其實呢度有好大優勢啊。
张贴
