影片
更多
2014-04-13
1538 浏览
之前經過，見佢門口有好多獎同好多好似幾好食同幾靚d食物模型，就誤以為佢食物質素應該都有返咁上下。之前我妹考完試早放 就一齊去間野食lunch完全唔使等就入得，個段時間都算係放飯時間，但竟然唔使等，其實都説明左D野。一入到去首先就同我妹講笑咁講點解D裝修咁old school 有少少老氣。入到去按排坐係店中央的位置，可以見到店較入嘅位置係一個人都冇d燈又熄左感覺不太好😰咁我知道唔可以要求咁多，可能佢唔係sell環境係sell食物。所以都冇咩所謂睇menu,一睇差唔多樣樣野都座底一百蚊起。不過都冇所謂，心諗佢lunch都買百幾蚊，食物質素應當該都ok。點知......都話古人有智慧，做人真係唔可以以貌取人，食物如是，都唔可以以價錢menu上的圖去估計食物質素。我跟我妹分別叫了一個setB lunch(d名唔太記得，因為本身冇諗住寫食評，但佢真係伏，唔希望大家踏地雷，總之係三文魚意大利飯啦）同一個散叫嘅龍蝦海鮮意粉（個名唔太肯定）。佢先黎個湯同餐包。個湯係打碎的紅蘿蔔湯加昆布,真係冇咩味加唔好食，可能個時肚餓，我食晒成個普通餐包。個個湯就食左幾口就放堆一邊。講賣相，湯都算。我妹叫個意粉先恐怖
之前我妹考完試早放 就一齊去間野食lunch
完全唔使等就入得，個段時間都算係放飯時間，但竟然唔使等，其實都説明左D野。
一入到去首先就同我妹講笑咁講點解D裝修咁old school 有少少老氣。入到去按排坐係店中央的位置，可以見到店較入嘅位置係一個人都冇d燈又熄左感覺不太好😰
咁我知道唔可以要求咁多，可能佢唔係sell環境係sell食物。所以都冇咩所謂睇menu,一睇差唔多樣樣野都座底一百蚊起。不過都冇所謂，心諗佢lunch都買百幾蚊，食物質素應當該都ok。點知......
都話古人有智慧，做人真係唔可以以貌取人，食物如是，都唔可以以價錢menu上的圖去估計食物質素。
我跟我妹分別叫了一個setB lunch(d名唔太記得，因為本身冇諗住寫食評，但佢真係伏，唔希望大家踏地雷，總之係三文魚意大利飯啦）同一個散叫嘅龍蝦海鮮意粉（個名唔太肯定）。
佢先黎個湯同餐包。個湯係打碎的紅蘿蔔湯加昆布,真係冇咩味加唔好食，可能個時肚餓，我食晒成個普通餐包。個個湯就食左幾口就放堆一邊。
講賣相，湯都算。我妹叫個意粉先恐怖。當個侍應送上意粉時我同我妹都o晒，我地仲問係咩，以為佢送錯。仲同佢地講冇叫過呢樣野（我地真心以為佢地搞錯）點知個白白有咩色嘅意粉竟然係個龍蝦意粉，同menu圖完全唔同，先唔講佢有幾多料，圖個份明明係紅醬，而我見到個份係冇色😰個侍應仲話張圖係show返個食物有咩材料 同現實會有d唔同...下...佢講咩呀。我個時聽完佢講真係嬲嬲地，爆左句唔係少少唔同係好唔同囉😡 佢之後就走左唔理我😑
之後，我個setB個賣相都同張相都相似，算係咁啦。
好.講味道，真係好一般，特別個意粉。不但外觀差，料少，意粉仲要煮到好似伊麵咁😰而個setB,我覺得個飯幾好,不過就少左d食四五口就冇,個三文魚就係熟左嘅三文魚味囉😐
到埋單，要加一，要成三百三十蚊到。😶
我打從心𥚃覺得唔值，佢憑咩賣呢個價錢，環境唔得，食物唔得，服務普通，佢憑咩？？？
最衰冇影到相俾大家睇，希望大家都明白當你睇到同食到d咁嘅野時係唔會想影相。
我真係覺得好失望同不解，當我出去佢門口睇佢d獎時發現原來係安全獎😑可能佢廚房好安全拎左好多安全獎😑
上述純粹個人意見，可能我先對佢期望高左，同叫左佢全間野最唔得d食物啦，可能佢都有野好食不過我冇呢個口福啦
不過就我而言，我係唔會再去食，我深深覺得佢係個伏，亦從另一角度明白古人的道理（人不可貌相）
张贴