新景象快餐 (已結業)

是日晚饭叫咗外卖，呢间由细食到大嘅茶餐厅最近两年转咗手同转埋名，但餐牌同味道依然，厨房工作嘅班底似乎都冇乜改变。新景象嘅晚餐每日都唔同，通常有5-6款俾大家拣，奉送热饮同中或西汤，中汤就系排骨汤，西汤就定系罗宋汤(特别推介呢度嘅罗宋汤，落足料之余仲要好香同辣)。是日叫咗个咸鱼鸡粒炒饭餐配中汤同热朱古力。先讲碗汤，一样落足料: 红萝卜、佛手瓜、南北杏、粟米同排骨通通有齐，味道几浓几有老火嘅味道炒饭同样多料，咸鱼同鸡粒当然唔少得，落埋葱同蛋花令成个炒饭香好多，食落口唔太咸，而且就算外卖都仲食得出镬气!整体嚟讲真系好抵食，成个餐都系四十几蚊咋，抵到烂!