客家好棧 (東環商場)

营业中

休息中

食完埋單先知，佢地餐牌 例牌份量既菜色好多都係外賣自取有5折優惠，抵食好多!!! 如果係開附近想加送呢間都可以一試。惠州梅菜扣肉 😀 鹹鮮味都有，扣肉肥而唔算膩，不過肉質唔夠軟爛，湯汁亦唔係好黏稠，但送飯都唔差。鎮店酸湯水煮魚片🥲 最失望係呢碟，魚片份量小同好薄身，酸湯味道唔太突出，得辣字，配菜份量多，但就唔抵食了。金牌鹽焗雞 ❤ 半隻 好食，黎到係出煙，雖然得半隻，但4個人share都岩岩好，雞夠香嫩有肉地唔油膩，另上沙薑醬，幾惹味。欖角肉末四季豆 😀 鹹香味濃，醬汁較多，份量有D小，四季豆都幾爽脆桂花瑤柱炒粉絲 😀 最細份，但最好味! 不過食到底就有D油膩。晚市優惠推介A清蒸龍躉仔🥲 味道較腥，魚肉厚實。一般~海味什菜煲 🥲 有粉絲 蝦乾 瑤柱 冬菇等配料蔬菜，湯比食材多，唔算抵食。但食起黎唔會好咸。